6: Θεοι

Introductie

In deze tekst maken we kennis met de goden die op de Olympus wonen. Eén van deze goden is op een wel heel bijzondere manier geboren. De godin Athene is uit het hoofd van haar vader Zeus voortgekomen.

Ἰδού, σύνεισιν οἱ θεοί· ὁ δὲ Ζεὺς τὸν θρόνον ἔχει,

ἡγεμὼν γάρ ἐστι τῶν θεῶν. Ὄπισθεν δὲ τοῦ

Διός ἐστιν ὁ θρόνος τῆς τοῦ ἡγεμόνος γυναικός.

Τὸ τῆς θεᾶς ὄνομα Ἥρα ἐστίν. Ἐναντίον δὲ

τοῦ Διὸς ὁ Ποσειδῶν τὴν τρίαιναν φέρει. Ἐγγὺς

δὲ τοῦ Ποσειδῶνος Ἥφαιστος καὶ Ἀπόλλων

εἰσίν. Ὁ μὲν Ἥφαιστος, ὁ τοῦ πυρὸς θεός,

ἀξίνην φέρει, ὁ δὲ Ἀπόλλων ὄργανον. Ὁ γὰρ

Ἀπόλλων οὐ μόνον τοῦ φωτὸς θεός ἐστιν, ἀλλὰ

καὶ τοὺς ἀνθρώπους τὰς μουσικὰς τέχνας

διδάσκει.

Ἐν δὲ τῷ μέσῳ ἐστὶν Ἀθηνᾶ. Ἡ θεὰ ὅπλα

φέρει, τὸ δόρυ καὶ τὴν ἀσπίδα. Ἀεὶ γὰρ διὰ

τῆς μάχης τοὺς Ἕλληνας φυλάττει. Εἰς δὲ

τὴν Ἀθηνᾶν οἱ θεοὶ βλέπουσι καὶ τὸ πρᾶγμα

μάλα θαυμάζουσιν· τὴν τῆς θεᾶς γένεσιν, οὐκ

ἐκ τῆς μητρός, ἀλλ ̓ ἐκ τῆς τοῦ πατρὸς κεφαλῆς.

Τὴν γὰρ Διὸς κεφαλὴν ὁ Ἥφαιστος τῇ ἀξίνῃ

ἀνασχίζει καὶ ἰδού, ἡ Ἀθηνᾶ πάρεστιν· τὰς

ἐσθῆτας καὶ τὰ ὅπλα ἤδη ἔχει. Βλέπει μὲν

εἰς τὸν πατέρα ἡ νεογνὴ θεά, ὁ δὲ Ζεὺς εἰς

τὴν θυγατέρα.