33: Alexandria

Introductie

De kapper Ctesibius vertelt zijn klant, Calvus, vol trots over zijn zoon, die op twaalfjarige leeftijd al een veelbelovende uitvinder is. Calvus vertelt hem echter dat hij moet oppassen. Hij weet toch zeker wel wat er met Perdix is gebeurd?

In urbe Alexandria Ctesibius tonstrinam habet,

ubi hodie vir nomine Calvus tondetur.


Calvus Video specula tua posse moveri! Nonne

   ab inventore claro facta sunt?

Ctesibius Immo, meo a filio duodecim tantum

   annorum! Filis et ponderibus puer curavit grave

   speculum facillime sursum et deorsum duci

   posse. Eum magistrum ad optimum misi. Nos

   in Alexandria habitare gaudeo, nam constat hic

   omnis mundi magistros optimos collectos esse

   et discipulos optime doceri. Spero filium meum

   postea inventorem illustrissimum futurum esse.

Calvus Nonne novisti nimium scientiae saepe

   hominibus nocuisse? Nonne meministi Perdicis?

Ctesibius Audivi Perdicem discipulum fuisse

   Daedali, inventoris illustrissimi Graeciae.

Calvus Vero Perdix a Daedalo doctus est.

   Daedalus puerum iam tenera aetate serram

   invenisse sciebat, eum mentem acerrimam

   possidere sensit atque intellexit discipulum

   mox magistrum esse superaturum. Homines

   Perdicem plus quam se ipsum laudaturos

   esse praesensit. Ira affectus est: Perdicem

   de arce urbis deiecit!

Ctesibius Dicisne magistrum discipulum

   interfecisse?

Calvus Non interfectus est Perdix: dei puerum

   in avem mutari curaverunt.


Viri ianuam aperiri subito audiunt. Intrat filius.

‘O pater,’ inquit, ‘scisne serram a puero meae

aetatis esse inventam? Hodie magister de eo

narravit. Et ego iam feci inventa utilia. Certus

sum me postea plura inventa facturum esse!

Magister se cras me ducturum esse ad summum

Pharum promisit. Ibi de lumine Phari me docere

vult.’ Clamat pater: ‘Veto! Nolo te cum magistro

Pharum ascendere aut alium locum altum!’