7: Ἡρως

Introductie

Perseus gaat erop uit om Medusa te verslaan, een verschrikkelijk monster. Gelukkig krijgt hij hulp van drie goden, die hem elk een handig voorwerp meegeven.

Ἡ Μέδουσα Γοργών ἐστιν, δεινὸν τέρας. Ἀντὶ

γὰρ τριχῶν ἐχίδνας ἔχει καὶ τοῖς ὀφθαλμοῖς

κτείνει πάντας, ὅσοι βλέπουσιν εἰς τὸ πρόσωπον

αὐτῆς. Φόβῳ οὖν οἱ ἄνθρωποι φεύγουσιν ἐκ

τῆς τῶν Γοργόνων χώρας. Ἀλλ ̓ ὁ ἥρως Περσεύς,

ὁ τοῦ Διὸς υἱός, τὴν ἀρετὴν φαίνειν ἐθέλει τοῖς

θεοῖς καὶ τοῖς ἀνθρώποις· τὴν γὰρ Μέδουσαν

κτείνειν ἐθέλει. Οὕτω δὲ βοηθεῖ τοῖς τῆς χώρας

ἀνδράσιν καὶ ταῖς γυναιξὶν καὶ τοῖς παισίν.

Οἱ δὲ θεοὶ τῷ τοῦ Διὸς υἱῷ βοηθοῦσιν. Ἡ γὰρ

Ἀθηνᾶ τῷ ἥρωι τὴν ἀσπίδα παρέχει· στίλβει δὲ

ἡ ἀσπὶς ὡς κάτοπτρον. Ὁ δ ̓ Ἅιδης τὴν κόρυθα

παρέχει τῷ Περσεῖ· εἰ δ ̓ ὁ Περσεὺς τὴν κόρυθα

ἐν τῇ κεφαλῇ φέρει, ἀφανής ἐστιν. Ὁ δ ̓ Ἑρμῆς

τῷ τοῦ Διὸς παιδὶ τὰ ὑπόπτερα σάνδαλα παρέχει.

Ὁ δὲ Περσεὺς μάλα χαίρει τοῖς δώροις.

Καὶ πελάζει ὁ Περσεὺς τῇ Μεδούσῃ, ἀφανὴς τῇ

τοῦ Ἅιδου κόρυθι. Βλέπει δ ̓ εἰς τὸ δεινὸν τέρας

ἐν τῇ ἀσπίδι, ὡς ἐν κατόπτρῳ· οὕτω γὰρ οὐκ

εὐθέως εἰς τὸ τῆς Γοργόνος πρόσωπον βλέπει.

Ὡς δὲ τάχιστα ὁ ἥρως ἐγγύς ἐστιν, ἀποκόπτει

τὴν τῆς Μεδούσης κεφαλὴν τῇ μαχαίρῃ. Ἔπειτα

δὲ τοῖς τοῦ Ἑρμοῦ σανδάλοις φεύγει ὡς τάχιστα.

Ἀντὶ δὲ τῆς τῶν θεῶν βοηθείας ὁ Περσεὺς τὴν

τῆς Μεδούσης κεφαλὴν παρέχει τῇ Ἀθηνᾷ.