47: Traianus
Voordat ik begin
Introductie
Hadrianus is net keizer geworden en hij vraagt zich af wat voor soort keizer hij zal zijn. Zal hij net zoals zijn adoptiefvader Trajanus de nadruk leggen op militaire prestaties? Of zal hij zijn eigen interesses volgen en zich toeleggen op de beschaving van zijn rijk?
Hadrianus Augustus, nuper a senatu Imperator
creatus, deliberabat de patre suo Traiano, qui
paulo ante e vita discesserat. Considerans qualis
vir fuisset Traianus, cogitabat: ‘Pater meus
princeps nobilissimus erat et vere dux magnus.
A populo Romano bene commemoretur propter
clementiam, virtutem, pietatem.
Imperator potens quoque erat: vicit Germanos,
Dacos, Parthos... Sub principatu eius imperium
Romanum maius factum est quam ullo alio
tempore. Cum Daciam provinciam addidisset,
legiones aliquas in orientem duxit ut Armeniam
expugnaret. Ad flumen Tigrim pervenit, ut
olim Alexander Magnus fecerat, et ibi constitit.
Dubitans an pergeret “Soli dei,” inquit, “sciunt
quid inveniatur trans Tigrim. Quid faciam? Terras
novas expugnem aut, ne deficiant copiae nostrae,
hic ponam finem imperii Romani?” Si iuvenis
fuisset, fortasse flumen transiisset atque
in Indiam perrexisset. Tempus cardinale erat
— utinam adfuissem et conspexissem!
Ipse haud decrevi an utique necesse sit quibusdam
provinciis novis imperium augere. Satis apparet
enim Romanum imperium iam tam latum esse,
ut vix contineatur. Ne igitur rebus militaribus
nimium studeam. Contra incursiones Caledonum
munimentum in Britannia aedificare possim,
sed felicissimus essem, si mihi fama esset artis,
si laudarer propter cultum urbis, si instituerem
monumentum quoddam tam insigne ut multa
post saecula celebraretur.
Hoc certum est: moderatio imperii nunc officium
meum est. A Traiano enim filius acceptus sum,
ut quondam a me iuvenis aliqui bono ingenio
eligetur, qui mihi succedat. Quid ille faciet?
Nemo scit...’