13: Tekst

Introductie

De Friezen Verritus en Malorix zijn op bezoek bij Roscius in Rome. Roscius neemt hen mee naar het theater, waar ze een voorstelling over een slaaf en zijn meester zien. De Romeinen vinden het een grappige voorstelling, maar de Friezen kunnen niet zo lachen om Romeinse humor.

Trans Rhenum flumen habitabant Frisii.

Quondam duces Frisiorum, nominibus Verritus

et Malorix, cum libello Romam fecerant iter.

Postquam Caesari libellum dederunt, aliquamdiu

in urbe manebant. Habitabant apud Roscium,

urbis Romae civem. Roscius urbem Frisiis ostendit.

Tunc eos duxit amici ad domum. Amicus Roscii

hospitibus pocula vino complevit. Pocula ante

hospites posuit et sermonem incepit.


Amicus: Nonne vobis placet Roma?

Malorix: Priusquam Romam veni, numquam

   antea tot aedificia videram!

Verritus: Ubique marmor vidi! In Frisia, ubi

   adhuc vixi, marmor non habemus: ligno

   tantum aedificamus.

Amicus: Dic mihi, Rosci, quid Frisiis ostendisti?

Roscius: Primum ostendi forum et arcem et

   flumen. Deinde theatrum intravimus, ubi

   spectaculum fuit. Dixi: ‘Caesar semper optimos

   locos praebet principibus Romanorum et

   barbarorum, exempli gratia Virginibus

   Vestalibus, fortissimis sociis ...’ Statim Verritus

   et Malorix cucurrerunt ad locos optimos.

   Mox inter principes prope scaenam sedebant.

   Valde risi!

Verritus: Cur risisti, Rosci? Frisios enim nemo

   superat armis aut fide: socii fortissimi sumus.

Amicus: Sine dubio. Ibi scilicet spectaculum bene

   spectare potuistis. Quid vidistis?

Malorix: In scaena stabat servus apud dominum.

   Servus insolens erat et dominum deridebat.

   Dominus baculum sustulit et servum plectere

   incepit. Is autem per scaenam cucurrit.

   Dominus, quod erat senex, eum capere non

   potuit. Postquam longe a sene fugit, servus

   constitit. Iterum et iterum dominum deridebat.

   Romani riserunt.

Verritus: Num iocosum id fuit? Immo, nobis haud

   placuit fabula de domino et servo.

Roscius: (susurrans ad amicum) Crede mihi: Frisia

   non ridet!